Ilon Mask Twitter’dagi “galochka” belgisini pullik qilmoqchi

Yaqinda Twitter’ning yangi egasi Ilon Mask ilovaga akkauntlarda “galochka” belgisini pullik qilishni taklif qildi.

“Galochka bor yoki yo‘q bo‘lganlar uchun xo‘jayinlar va dehqonlarga o‘xshash hozirgi tizimi butunlay bema’nilik. Oyiga 8 dollar evaziga odamlar unga ega bo‘lishadi”, — deb yozdi Mask Twitter’dagi sahifasida.

Ayni paytda ijtimoiy tarmoq orqali akkauntlar uchun “galochka belgisini olish bepul amalga oshirilmoqda. Asosiy talab hisobning uchta komponenti: haqiqiylik, ahamiyatlilik va faollik hisoblanadi.

Biroq endilikda hamma foydalanuvchilar ushbu belgi uchun ariza topshirishi mumkin.