“Twitter dunyodagi eng aniq maʼlumot manbai boʻlishi kerak” – Ilon Mask

Amerikalik milliarder Ilon Mask Twitter platformasi dunyodagi eng aniq maʼlumot manbai boʻlishi kerakligini taʼkidladi. Tadbirkorning aytishicha, Twitter ijtimoiy tarmogʻining bosh vazifasi mana shundan iborat.

Ilon Mask shuningdek, platformani sotib olganidan keyin undan foydalanuvchilar soni keskin oshganini maʼlum qilgan.

Eslatib oʻtamiz, Ilon Mask oktyabr oyi oxirlarida Twitterʼni 44 milliard AQSh dollari evaziga xarid qilgandi. U qatʼiy senzura tufayli koʻp marta tanqid qilingan ijtimoiy tarmoq siyosatini liberallashtirish va kontent moderatsiyasi kengashini tuzish, kengash oʻz ishini boshlaguniga qadar tahririyat siyosati va bloklangan akkauntlarni qayta tiklash masalasida keskin qarorlar chiqarmaslikka vaʼda bergan.