«O‘zstandart» bolalarga mo‘ljallangan sifatsiz mahsulotdan ogohlantirdi

«O‘zstandart» agentligi huzuridagi Departament tomonidan Toshkent shahridagi savdo majmualarida sotilayotgan bolalar tagliklari (pampers) mahsulotini sifati standart talabiga asosan o‘rganildi.

Akkreditlangan sinov laboratoriyasida o‘tkazilgan sinovlar natijasida Turkiya davlatida ishlab chiqarilgan «Paddlers» mahsuloti amaldagi OʼzDst 3482:2020 standartining 5.9.2-talabi, ya’ni «teskari yutilish» ko‘rsatkichi bo‘yicha muvofiq emasligi aniqlandi.

«Paddlers» bolalar tagliklarini importini cheklash yuzasidan Bojxona qo‘mitasiga ma’lumot kiritildi.