Rossiya yetakchi davlatlarni ogohlantirdi

AQSh, Fransiya va Buyuk Britaniya harbiy kaolisiyasi Suriya hukumatiga qarshi urush boshlaganini xabar qilgan edik.

Ta’kidlash kerakki, ushbu kaolisiya o‘tgan hafta Suriyaning Sharqiy G‘uta vohasidagi Duma shaharchasida hukumat tomonidan kimyoviy qurollar qo‘llanishida Rossiyaning “qo‘li bor”, deb ta’kidlab kelmoqda.

Bunga javoban Rossiya Federatsiyasining AQShdagi elchixonasi rasmiy bayonot bilan chiqdi. Bu haqda elchixonaning Facebook’dagi rasmiy sahifasida xabar berildi.

Jumladan, bayonotda elchi Anatoliy Antonov AQSh boshchiligidagi kaolisiya asossiz ravishda Rossiyani ayblayotganini ma’lum qilgan.

Antonov Suriyadagi “kimyoviy qurol” masalasini sahnalashtirilgan ssenariy, deb atagan. Bundan tashqari, u mazkur uch mamlakatning xatti-harakatini “Rossiya Prezidentini haqorat qilish”, deb qabul qilinganini bildirgan.

Shuningdek, elchi Rossiyaga nisbatan bunday harakatlar javobsiz qolmasligi bilan ogohlantirgan.

Ikrom Rahmon