Samarqandda bog‘ qorovuli og‘ir jinoyatga qo‘l urdi

Joriy yilning 16 aprel kuni Samarqand viloyatining Kattaqo‘rg‘on shahrida joylashgan madaniyat va istirohat bog‘i qorovuli og‘ir jinoyatga qo‘l urdi. Bu haqda "Samarkandskiy Vestnik" nashri xabar berdi.

Shahar madaniyat-istirohat bog‘ida fuqaro Sherzod Jo‘raev qorniga pichoq bilan jarohat yetkazilgan holda topilgan. Jabrlanuvchi tezda shahar shifoxonasiga yetkazilgan.

Tezkor harakatlar natijasida gumondor shaxs sifatida bog‘ning qorovuli T.Hasan qo‘lga olindi. Uning yonidan jabrlanuvchining qon izlari ketmagan oshxona pichog‘i topilgan.

Ayni paytda Kattaqo‘rg‘on ichki ishlar xodimlari tergov ishlarini olib bormoqda.

Madina Muhammadiyeva