Suriyadagi maktabga uyushtirilgan hujumda 22 o‘quvchi qurbon bo‘ldi

Suriyaning shimoli-g‘arbida joylashgan Idlib shahridagi bolalar maktabiga hujum uyushtirildi. BMTning YuNISEF xalqaro bolalar jamg‘armasidan xabar qilinishicha, mazkur voqea oqibatida 22 nafar bola qurbon bo‘lgan, yana 6 nafar o‘qituvchi ham hayotdan ko‘z yumgan.
 
Idlib shahri Aleppo shahridan 40 km uzoqlikda joylashgan bo‘lib, 2015 yil mart oyidan beri turli terrorchilik guruhlar jangarilari boshqaruvi ostida qolmoqda.
 
Suriya 2011 yildan buyon katta xavf ostida. Terrorchilarning harakatlari oqibatida bu yerda minglab odamlar jabr chekkan. BMTning xabar qilishicha, shu yillar davomida 220 mingdan ziyod odam bosqinchilik qurboni bo‘lgan. 

Durdona Rasulova