Tramp Eronga zarba bermoqchi. Maslahatchilari xavotirda

AQSh prezidenti Donald Tramp bir necha kun oldin katta maslahatchilari bilan Eronning asosiy yadro inshootiga qarshi "chora ko‘rish" imkoniyatini muhokama qildi. Bu haqda New York Times yozmoqda.

Idoradagi maslahatchilar bilan uchrashuvda, manbalarning ta’kidlashicha, Tramp Eronga qarshi ehtimoliy variantlar, jumladan, yadro inshootiga zarba berish haqida so‘ragan.

Aniqlik kiritilishicha, vise-prezident Mayk Pens va davlat kotibi Mayk Pompeo AQSh prezidentini kuch ishlatishdan qaytarib, ularning keng miqyosli harbiy mojaroga olib kelishi mumkinligi haqida ogohlantirgan.