Xitoy yangi Rossiya qurolini yadro bombasidan dahshatliroq deb atadi

Xitoyning “Sina” portali Rossiyaning "Sarmat", "Avangard" va "Yars" harbiy majmualarini o‘ta xavfli deb atadi.

Materialda aytilishicha, Rossiya raketa kuchlarini ushbu modellar bo‘yicha qayta qurollantirish "AQShni boshi berk ko‘chaga olib kiradi".

Qo‘shma Shtatlar dunyodagi eng ilg‘or mudofaa tizimiga ega bo‘lishiga qaramay, "Avangard"ga qarshi turolmaydi, chunki snaryad yuqori tezlik va yashirincha harakat qilib, raketani "yadroviy bomba kabi qo‘rqinchli qurolga" aylantiradi.

Maqola muallifining ta’kidlashicha, Rossiya va AQSh o‘rtasida taxminiy ziddiyat kelib chiqadigan bo‘lsa, Amerikaning qirg‘oq mintaqalari avangardlar hujumiga qarshi himoyasiz qoladi.