Krishtianu Ronaldu: Adolatsizlik meni hech qachon sinrida olmaydi

“Real” hujumchisi Krishtianu Ronaldu Ispaniya Arbitraj sudining 5 uchrashuvdan iborat diskvalifikatsiyani o‘z kuchida qoldirgani borasidagi qaroriga munosabat bildirib o‘tdi.

“Yana bir noto‘g‘ri qaror. Adolatsizlik hech qachon meni yiqita olmaydi. Har doimgidek men yanada kuchliroq bo‘lib ortga qaytaman.

Meni qo‘llab-quvvatlagan barchaga rahmat aytmoqchiman”, – deb yozgan Ronaldu o‘zining tvitterdagi sahifasida.

Eslatib o‘tamiz, 32 yoshli hujumchi Ispaniya Superkubogining «Barselona»ga qarshi birinchi uchrashuvida (3:1) chetlatilgani uchun bosh hakam Rikardo Bengoecheani turtib yuborgan va shu jazoga loyiq ko‘rilgandi.