Olimlar COVID-19 ning laboratoriya sharoitida yaratilganini isbotlaydigan dalil topishdi

Germaniyalik olimlar guruhi COVID-19 ning laboratoriya sharoitida yaratilganini isbotlashi mumkin boʻlgan dalil topishdi.

“Bizning tadqiqot natijalari ushbu virusning kelib chiqishi 99,9 foiz ehtimol bilan sunʼiy ekanligini koʻrsatmoqda, u tabiiy virusning manipulyatsiya qilingan nusxasi boʻlishi mumkin”, – deydi tadqiqot mualliflaridan biri Valentin Bruttel.

Oʻtkazilgan tadqiqot xulosasida aytilishicha, Sars-CoV-2 genetik modifikatsiyalangan virus hisoblanadi. Bruttel Sars-CoV-2ni yaratishda qoʻllanilgani taxmin qilinayotgan ayrim usullar baʼzi virusologiya laboratoriyalari tomonidan sintetik viruslarni ishlab chiqarish uchun ham ishlatilishini taʼkidlagan.