Olimlar koronavirusni davolashning kutilmagan usulini topishdi

Janubiy Kaliforniya universiteti qoshidagi Kek tibbiyot maktabi olimlari koronavirusni davolashda kasallikning dastlabki bosqichlarida immunitetni pasaytiradigan dorilar bilan tananing immunitetini bostirish mantiqiy bo‘lishini ma’lum qilishdi, deb xabar berdi «MedicalXpress».

Gap shundaki, koronavirus bilan kasallangan paytda immunitet muddatidan oldin faollashadi. Va bu yuqori nafas yo‘llarining barcha maqsadli hujayralari yo‘q qilinishidan oldin sodir bo‘ladi. Shu sababli tug‘ma immunitet kasalliklardan tuzalmaydi va haddan tashqari yukni ko‘tara olmay qoladi.

Ushbu hodisa fanda “sitokin bo‘roni” nomini oldi. Immun tizimi sog‘lom hujayralarni yo‘q qilishga majbur. Shu tufayli to‘qimalar shikastlanadi, bu esa juda ayanchli oqibatlarga olib keladi. Agar tanada tiklanish uchun vaqt bo‘lmasa, maqsadli hujayralar yana hujum qila boshlaydi va infeksiya boshqa cho‘qqiga chiqishi mumkin.

Yuqoridagi sabablarga ko‘ra, bemorlarning tuzalishida qaytalanish ro‘y beradi. Shuning uchun immunosupressantlarni qabul qilish kerak.

"Biz adaptiv immun reaksiyani kechiktiramiz va tug‘ma immunitetning ishiga xalaqit bera olamiz, bu virusni hamda yuqtirgan hujayralarni tezda yo‘q qiladi", deb ta’kidlanadi tadqiqotda.

Ammo bu xulosani tasdiqlash uchun qo‘shimcha klinik tadqiqotlar kerak. Bundan tashqari, odamlarda immunitet o‘zgaradi, shuning uchun yuqtirilgan bemorlarda virusli yukni va boshqa biomarkerlarni o‘lchash muhim hisoblanadi.