Toshkentda 11 yoshli bola baxtsiz hodisa qurboni bo‘ldi

Kecha, 12 may kuni Toshkent shahrida noxush voqea ro‘y berdi. «Xabar.uz» manbasining xabariga ko‘ra, 11 yoshli bola bevaqt hayotdan ko‘z yumgan.

Xabar berilishicha, soat 21:30 da Mirzo Ulug‘bek tumanidagi maktab o‘quvchisi S.M.N. (2007 yilda tug‘ilgan) Zulfiyaxonim ko‘chasi «Lokomotiv» bog‘ida charxpalakda uchayotgan vaqtida hushidan ketgan.

Bolakay zudlik bilan 1-shahar klinik shifoxonasining qabul bo‘limiga olib borilgan vaqtida vafot etgan.

Saytimiz tahririyati marhumning yaqinlariga hamdardlik bildiradi.