Toshkentda fohishaxona saqlagan galdagi fuqaro aniqlandi

Joriy yilning 28 may kuni IIB xodimlari tomonidan o‘tkazilgan tezkor tadbir davomida fuqarolar Vladimir Petrov va Nosirova Nargiza Yunusobod tumani hududida joylashgan Petrov xonadonida fohishaxona saqlab, 75.000 so‘m pul evaziga fuqarolar “U” va “T” larga jinsiy aloqa qilishlari uchun sharoit yaratib berishgani aniqlandi.

Mazkur holat yuzasidan Yunusobod tumani IIB huzuridagi tergov bo‘limi tomonidan Jinoyat Kodeksining 131-moddasi 3-qismi (bir guruh shaxslar tomonidan oldindan til biriktirib, fohishaxona saqlash) alomatlari bilan jinoyat ish qo‘zg‘atilgan. Hozirda jinoyat ishi yuzasidan dastlabki tergov harakatlari olib borilmoqda.

Yuqoridagi shaxslarning anketa ma’lumotlari o‘zgartirilgan bo‘lib, familiya va ismlarning o‘xshashlik holati tasodifiy xarakterga ega.

Akmal Eshonxonov