Toshkentda kelishmovchilik sababli o‘smir yigit tengdoshini pichoqlab qo‘ydi

Toshkent shahri Uchtepa tumanida qasddan og‘ir tan jarohati yetkazish bilan bog‘liq jinoyat aniqlandi.

2017 yilning 29 iyun kuni Uchtepa tumani hududida taxminan soat 15:10larda, voyaga yetmagan Halilullo Akbarov tengdoshi Behruz Alimovga o‘tkir tig‘li jism bilan og‘ir tan jarohati yetkazdi.

Og‘ir jarohatlangan Behruz Alimov voqea sodir bo‘lgan joydan zudlik bilan Respublika shoshilinch tibbiy yordam ilmiy markaziga olib borilgan.

Mazkur holat yuzasidan Uchtepa tumani IIB huzuridagi Tergov bo‘limi tomonidan Jinoyat Kodeksining 104-moddasi 1-qismi (qasddan badanga og‘ir shikast yetkazish) alomatlari bilan jinoyat ishi qo‘zg‘atilgan.

Ayni paytda dastlabki surishtiruv-tergov ishlari boshlab yuborilgan.

Zohirshoh Jo‘raev