AQSHda egizaklar turli yillarda dunyoga keldi

AQShning Arizona shtatida Soyer va Everett ismli egizaklar  tug‘ilishi g‘aroyib tarzda ro‘y berdi. 

Egizaklar bir necha daqiqa farq bilan turli yillarda dunyoga keldi. 

Yangi yil kechasida Xolli Sheyning to‘lg‘og‘i boshlandi.

Soyer 2016 yil 31 dekabrda soat 23:51da, uning ukasi Everett 2017 yilning 1 yanvarida soat 00:01 da dunyoga keldi.

“Biz teoriyalarga ko‘ra shunday bo‘lishini taxmin qilgan edik va bu hodisa real hayotda sodir bo‘ldi”,—deydi egizaklarning otasi Brendon Shey.

OAV ma’lumotlariga ko‘ra, AQShda 31 dekabr kuni shunga o‘xshash hodisa yana ikki marotaba: Jorjiya shtati Atlanta shahri va Kaliforniya shtati San-Diego shahrida kuzatilgan.