Suyaklaringiz mustahkammi? Tekshirib ko‘ring!

Suyaklaringiz o‘ziga nihoyatda kerakli bo‘lgan kalsiydan judo bo‘lmayaptimi, osteoporoz sizga xavf solmayaptimi? Quyidagi test savollariga javob berib, buni aniqlashingiz mumkin.

• Qaddi-qomatingiz juda nozik — 1 ball.
• Tabiatan oqbadan va mallasochsiz — 1 ball.
• Yaqinlaringiz osteoporozdan aziyat chekishadi — 3 ball.
• Sport bilan muntazam shug‘ullanasiz — 1 ball.
• Doim jismoniy zo‘riqish talab qiladigan ishlarni bajarasiz — 2 ball.
• Spirtli ichimliklar iste’mol qilib turasiz — 1 ball.
• Tez-tez achchiq qahva ichib turasiz — 1 ball.
• Gazli ichimliklarni yaxshi ko‘rasiz — 1 ball.
• Tvorogli mahsulotlarni xush ko‘rmaysiz (yoki shunchaki yemaysiz) — 1 ball.
• Tuzli yemaklarga toqat qilolmaysiz — 1 ball.
• Parhez tutishga bir necha bor uringansiz — 1 ball.
• Chekasiz — 1 ball.
• Kamharakat hayot tarzi kechirasiz — 1 ball.
• Uzoq vaqt davomida glyukokortikosteroidlar (prednizolon, gidrokortizon) qabul qilgansiz — 5 ball.
• Sizda qalqonsimon bez faoliyati yuqori — 1 ball.
• Birinchi hayzni 17 yoshdan so‘ng ko‘rgansiz — 1 ball.
• So‘nggi yillarda bo‘yingiz biroz pasayganini his qilayapsiz (3 sm.dan ko‘proq) — 1 ball.
• Sizda allaqachon klimaks boshlangan — 1 ball.
• So‘nggi marta oy ko‘rganingizga:
  • 6-12 oy — 1 ball.
  • 2 yil — 2 ball.
  • 3-5 yil — 3 ball.
  • 6-10 yil — 4 ball.
  • 10 yildan ko‘proq vaqt bo‘lgan — 5 ball.

Inkor javoblarga ball hisoblanmaydi.

Natijalar

0 dan 5 gacha: xursand bo‘lishingiz mumkin, osteoporoz xavfi uncha katta emas. Sog‘lom turmush tarzi kechiring, to‘g‘ri ovqatlaning. Taomnomangizga tvorogli, sutli mahsulotlarni kiriting. Kunjut urug‘i ham kalsiyga juda boy.

6 dan 10 ballgacha: suyaklar tizimingizga alohida e’tibor qaratishingizga to‘g‘ri keladi. Jismoniy faollikni oshiring, ammo me’yorni unutmang. Taomnomangizda kalsiyga boy mahsulotlarni ko‘paytirishga harakat qiling. Kalsiy yaxshi o‘zlashtirilishi uchun D vitamini qabul qilish va toza havoda ko‘proq bo‘lish lozim. Sizga dori ko‘rinishidagi kalsiy ham yordam berishi mumkin.

11 balldan yuqori: organizmingizda kalsiy yetishmovchiligi yaqqol sezilib turibdi. Suyaklar o‘ta nozikligi hamda sinuvchanligining oldini olish uchun darhol travmatolog-ortopedga murojaat qiling va davolanish kursini o‘tkazing.