Qashqadaryoda eshak so‘yilayotgan xonadonlar aniqlandi

Qarshi shahar Arabxona MFY Yangibog‘ ko‘chasida yashovchi fuqaro X.Sh.ning xonadonida eshak hayvonlari so‘yilayotganligi viloyat IIB JQB Korrupsiya va iqtisodiy jinoyatlarga qarshi kurashish bo‘limi va Qarshi shahar IIO FMB xodimlarining tezkor sa’y-harakatlari natijasida aniqlandi.

Tekshiruv davomida xonadondan bo‘g‘izlangan eshaklar va uning ajratilgan terilari, uyning xonalaridan birida eshak go‘shti deb gumonlangan so‘yilgan lahm go‘sht mahsulotlari ichki ishlar organlari xodimlari tomonidan aniqlanib, tegishli tartibda hujjatlashtirib, olingan lahm go‘sht va terilar belgilangan tartibda yo‘q qilindi.

Mazkur holat yuzasidan tergovga qadar surishtiruv ishlari olib borilmoqda. Fuqarolarning kimga va qayerga eshak go‘shtini yetkazib berganligi yuzasidan o‘tkazilayotgan tekshiruv natijalariga ko‘ra, qo‘shimcha ma’lumot e’lon qilinadi.